اول سؤال فى اى انترفيو فى اى شركة بتحترم نفسها هو
عرفنى بنفسك !!!!ـ
مينا عزمى عطالله
خريج طب بيطرى 2008
اشتغلت فى امون 3 شهور و بعدين رحت ايفا لحد النهارده
هواياتى ؟
مليش حاجه تميزنى بس بحب القرايه و الشطرنج و المسلسلات الاجنبى و الميكانو و الرغى و واضح انى بحب نفسى
بالنسبة للقرايه بحب احمد خالد توفيق و علاء الاسوانى
عيوبك
متطرف , من الاقصى للأقصى
من صغر نفس لغرور
من تدين و بيات فى الكنيسة لعدم نزول تام
من سكوت و عزلة تامه لانفنتاح ببجاحه
من سلبية تامه لايجابيه تصل للتدخل بلا اذن
مجنون و مختلف*
كلمتين بسمعهم عنى كتير
*خنيق من اول نظرة
محدش مقالهاش ليا
محفوظ ؟
اه , اصحابى ممكن يكونوا حافظينى
محظوظ؟
ورحمة امى لأ
حرقت ؟
بمرتب سنة
هترقى ؟
كل الناس بتقولى كده
هفضل شغال فى الدعايه ؟
مش عارف
انت اهبل يا ابنى ؟
ممكن
ليك فى الكمبيوتر؟
اه
بتكسب ليه فى الشطرنج ؟
علشان اللى قدامى بيغلط
بتعرف تمسك الغلط ؟
اه , اتعلمت ده من الشغل
حبيت قبل كده ؟
محدش له دعوه , مدونتى و انا حر
انا جدع ؟
انا شايف نفسى كده , مبشربش خمره للعلم
ليا اعداء ؟
مظنش ان حد ممكن يكرهنى , بس اللى بيتخنقوا منى كتير
اصحابى ؟
كتير , اقربهم هى هى و خنقة
عربيتى ؟
سمسمه
يعنى ايه
ILN
واحد بس فى الدنيا هو اللى يعرف
انا ليبرالى ؟
اه من ليبراليا
تحب تسمع ايه فى نهاية الكلام الفاضى ده؟
شخير ابويا
No comments:
Post a Comment