من الاقصى الى الأقصى
من اقصى اليمين الى اقصى الشمال
حال يتعب الواحد و يهده
خليك وسط
لو هتحب , حب بالراحه
مش لازم تدوب الدوب و الهوا غلاب
و لو هتكره , متتمناش الموت و العذاب
انسى و خلاص
لو هتقرب لربنا , مش لازم تبقى قديس
مش لازم السبع صلوات و قداس يوميا
مش لازم السى فى بتاعك يتنشر فى بستان الرهبان
و لو هتبعد عن ربنا , مش لازم تبقى زبالة
و لسانك زبالة , و اخلاقك زباله
لو هتذاكر , بالراحه , و واحده واحده
حبة حبة هتلاقى نفسك بتخلص
و لو مش هتذاكر , مش لازم ترمى الكتب
و لا تعرف حاجه عن المنهج
لو هتشتغل , متزودش على نفسك
علشان متعملش مستوى قدام الناس ممكن متعرفش توصله تانى
و لو هتكسل فى الشغل , حاول تشتغل حبة نونو كده و حياة والدك
على الاقل تلاقى عيش تاكله بدل ما تضطر تشترى جاتوه
خلى بالك الاستك لما بيشد يا اما هيتقطع يا اما هيفقد طبيعته
No comments:
Post a Comment