بص يا عم
ليبراليه ده من كلمة للاتينى باين كده معناها الحرية
يعنى انت حر
اعمل اللى انت عايزه
مالك مبسوط كده ليه ؟؟
لا انت فهمت غلط , شيل عينك من على البت يا ابن ال$^#$%ـ
انت حر اه
و تعمل اللى انت عايزه اه
لكن انك تقرب لحد او حريتك ده تجور على حرية حد تانى يتقطع رقبتك
حر طالما فى حالك
عايز تشرب خمره ؟ اشرب
عايز تربى دقنك ؟ ربى
عايز تعبد مروحة السقف ؟ مفيش مشاكل
لكن هتروح تعاكس سماح
ولا تسوق عربيتك و انت مشرنخ الانارخ
هتتنفخ
هتقولى و ايه الفرق بينها و بين الديمقراطية ؟؟
هقولك الاتنين زى بعض الا فى ان الديمقراطية بتخلى الشعب هو اللى يحكم
و لو القانون مفيهوش مواد تحمى الاقليات الموجوده فى الدولة
يبقى الاقلية ده هتتنفخ لو الاغلبية ليها شوق فى انها تنفخ
ديمقراطية من بتاعة المجلس الاعلى
و متزعلش من علاء لما يقولك على الليبراليين كفرة
اصله فاكر ان التحرر ده يشمل التحرر من الاديان
وده مش شرط
عايز تبقى متدين براحتك
مش عايز برده براحتك
ابقى بس فهمه ليه عايز تعبد مروحة السقف و لو مقتنعش سيبه لانه حر
No comments:
Post a Comment