كينيا ؟
معقول تكون هى الحل؟؟
معقول بعد احلامى بايطاليا و امريكا تنتهى - او بمعنى اصح تبتدى - بكينيا ؟
نايروبى و مومباسا ؟
على اخر الزمن هروح كينيا ؟
مالها كينيا!!!!!ـ
استنى اجمع حبة معلومات عنها
طيب كده عرفنا ان مصاريف هناك زى هنا بالظبط
يعنى لو الرقم قل عن اللى انا عايزه يبقى مش هحوش حاجه
و حاجه تانية
المستقبل ؟
هل هفضل شغال هناك مندوب للشركة و لا ممكن اكبر عن كده
انا شايف نفسى لو روحت انى همسك البلد ده من اولها لأخرها
و شايف ان ممكن فى المستقبل ابقى اساس اى خطة لفتح فرع جديد فى اى دولة افريقية
و فى نفس الوقت بلغى احتمالات الترقية هنا فى مصر
و العربية
؟؟؟
و همسك نايروبى 1 و لا 2 ؟؟؟؟
انا عايز ايه ؟؟
carrer path
هبقى مدير البلد ده
لو نجحت منطقى انى مش هرجع , مش هيرجعوا واحد نجح و يرجعوا يجيبوا واحد يبتدى من جديد
و لو سيبونى كينيا همسك بلد تانية
موزمبيق علشان عم جورج
بس ده مش حاجه وحشة
لان ده كاريير و بتقدم فيه و هو ده النجاح بعينه
عدم الوجود فى مصر مش عيب
انا الوسط بتاعى محدود و مش هيزيد
بل بالعكس هيقل مع الايام
ابويا و امى و اخواتى كل واحد فيهم هيسيبنى بطريقته
و جورج قرر من كام يوم انه يسيبنى
بس الحمد لله
Salary
لو اخدت الرقم اللى انا عايزه يبقى قدرت اعيش محترم و فى شركة نظيفه و لابس بدله و راكب عربية من غير ما اروح ايطاليا و اغسل اطباق
من الاخر مش هقبل بأقل من الرقم ده كصافى مبلغ توفير
النقطة الاهم اللى مش هتكلم فيها , لو ربنا سمح يبقى اوك , و لو مسمحش هراضيه برده
و الحلم القديم اياه ممكن يتم ؟؟
ايه اللى ممكن اخلص منه ؟؟
هخلص من الروتين اليومى
هخلص من الشغل المحفوظ
هخلص من الاورلى و ليلته بسلطاته ببابا غنوجه
هبقى مدير نفسى
و اقدر اطبق اللى اتعلمته
اقدر لو نجحت انجح بجد
اقدر اكون شركة من الصفر
اقدر اكون كيان من لاشئ
اقدر احقق نفسى
انا عارف ان ممكن يتحس من كلامى انى بهرب زى ما اتقالى
بس انا مبهربش
انا بجرب و اشوف ربنا عايز ايه
انا حاسس ان ربنا كان عايزنى اعمل كده
و لو مش عايز سهل اوى ارجع و اكون انجح
حاسب المفارق يا عم الحاج
No comments:
Post a Comment